سؤال: نضال بخصوص عقد الشراكة بين شريكين
اسعد الله مساءكم بكل خير .. مشكلتي هي انني التقيت بشخص وتعرفت عليه عن طريق احد الاصدقاء على اساس ان الرجل هذا يرغب في عمل مشروع وكان يبحث عن شريك معاه وبالفعل عملنا دراسة جدوى لأحد المشاريع وكتبنا عقد الشراكة بيني وبينه على اساس انه راح يدير الشركة لأني كنت غير متفرغ وقلت انه اكيد ادرى واعلم مني بالبزنس بحكم خبرته على حسب كلام الي عرفني عليه وتم تحويل مبلغ الشراكة لاني داخل معاه كنت بحوالي 870 الف ريال وهو نفس الشي يعني النص بالنص وكان الاتفاق ينص على انه يحولي ارباحي من المشروع شهريا لكن للأسف من اول شهر بدا في الاعذار الواهية ان امه مرضت وشويه انه اظطر يسافر للخارج عشان يجيب بضاعه للمشروع وشويه مايرد على جواله وعلى هذا الحال لمدة سنتين الان راحت وماشفت منه ولاريال فسؤالي هو كيف اقدر اقدم دعوى عليه وهل هذي تعتبر دعوى مطالبه ماليه ولا دعوى نصب واحتيال ؟ وهل عادة هذي القضايا تاخذ زمن طويل في المحاكم لاني بصراحه ماني قادر انتظر اكثر من كذا لاني استخدمت كافة الحلول الودية والوساطات بدون اية نتيجه فياليت تفيدني وهل ممكن تستلمو قضيتي وكم اتعابكم فيها؟
الإجابة: ومساك اخي الفاضل العقد شريعة المتعاقدين فهو ملزم ولا بد من تنفيذ بنود العقد وهذه لاتعتبر من قضايا النصب وهي من القضايا المالية اما عن الوقت فالحمدلله فنظام المحاكم الان اصبح اسرع من السابق وبالإمكان التواصل مع ادارة المكتب في حالة الرغبة في دراسة اوراقك.
